بسم الله الرحمن الرحيم, سيداتي أوانسي سادتي، السلام عليكم و رحمة الله و بركاته, أهلا و سهلا و مرحبا بكم في هذا البث الأول لقناتنا "تلفزا بالملوان".
قبل كل شيء نحب نعتذرلكم, بإسمي و بإسم الزملاء الفنين الكل, على هالعطب الفني الخارج عن نطاقنا ( بسبب إرتفاع أسوام المحروقات فالعالم!!! ) وإلّي يخليكم تشوفو فالصورة مقلوبة, على كل هذي ماهي إلآ البداية و نشاله المستقبل يكون خير, و ذلك في نطاق سعينا المتواصل و الدؤوب للرقي بتلفزتنا إلى مصاف التلافز المتقدمة و المراتب المرموقة إلّي يسمو إليها كل الإعلاميون في المحافل الدولية والإقليمية...
ننطلق اذا سيداتي سادتي على بركة الله في بثنا التجريبي هاذا و نبداو(كيما يبداو التلافز إلّي يحترمو رواحهم الكل) بما تيسّر من ... اااااه ه ه ه ... من النشيد الرّسمي للمدونتنا هاذي ... هاذا النشيد إلي هو من كلمات الشاعر الكبير "أحمد فؤاد نجم" و تلحين و غناء المبدع "الشيخ إمام".
boomp3.com
تلفزتنا هاذي أيّها المشاهدون الأعزّاء ختارت لنفسها من بين الشعارات شعار يعكس توجهنا العام ألا وهوا الشففية و الوضوح و نبذ الضبابية في نطاق لا مسؤوليتنا التامة عن أي تأويلات بعيدة عن أرض الواقع.
شعارنا إذا عزيزي المشاهد هو :"تلفزا بالملوان...عينيك فيك, شاهد الله عليك"
إذا على أمل الّقاء بكم في مواعيد قريبه, سيّداتي سادتي, نتمنالكم مشاهدة طيّبة لقناتنا الي نتمناوها تنال إعجابكم.
تصبحون على خير.
