أجبد مالجابية و حط فالخابية

vendredi 26 décembre 2008

Champignons mauve ... فقاع قزوردي




يبدو أنو موسم الفقاع (الشمبينيون) بدا على بكري السنا ... بالرغم الشتاء والطقس البارد هاهم طالعين بارتو فالبلايص الكل و خاصة في تن ـ بلوغ.
بعد سي القزوردي ... هاو طحت اليوم بواحد آخر فاضت عليه الوطنية (الي بالمناسبة أحنا ما عندناش و ما نعرفوش حتى آش معناها) ... هو صحيح كي تجي تشوف البروفيل متاعو, ما ينجم يوحيلك كان بالـ "وطنية" الفياضة
برا أكتب يا خويا و ربي يجيب القسم

jeudi 18 décembre 2008

!!!!!!!!!!!ملاّ تخلويض

التدوينة هذي كانت فالأول تعليق رد ا على تعليق خونا "نوفل مصري" الي سمح لروحو باش يعلق على تدوينة (هنا) متاع عاشور الناجي, رغم الي هو مسكّر عندو باب التعليق ... (تعليقو كان هذا : " موش نرمال كل ها الكراهية للتجمعيين ")

يا مرحبا يا مرحبا بسي نوفل !!!!!!!
نشكرك على تواضعك و ردك ولو بكليمة على كل ما تكتب (والله هنيتنا تحيرنا و تفجعنا عليك ... قلنا بكشي المسكين أصابو مكروه و إلاّ مسيكن ما يسمعش و ما يشوفش !!!!) ... رغم أنو ردك لا يسمن ولا يغني من جوع ... أما أهوكا عرفنا الي أنت لاباس و قريت ولو شوية !!
هيا أش قولك كان توة نتحاورو شوية ؟؟؟؟
يا سيدي نأكدلك الي ردة الفعل متاع المدونين على تدوناتك ما عندو حتى علاقة بالكره ... ولكن طريقتك أنت في الكتابة (كان انجمو نسميوها كتابة ... خاطر هي أقرب للبروبقندا السخيفة تحت شعار قصّ و لصّق ) و رفضك القطعي للحوار أو حتى الرد على بعض الأسئلة والإستفسارات البسيطة, من خلال حذفك لإمكانية التعليق , هو الشيئ الي خلا ردة الفعل متاع المدونين تكون هكاكة (و الي عملتو أنتي يا سي نوفل ماهو إلا تأكيد للصورة الي عاملينها لأرواحهم كل "مناضيلي" حزبك ... رغم الي الحوار هو أسهل وأهم حاجة فالي تعملو فيه الكل !!)
سي نوفل ... أنت دخلت لعالم للتدوين (ما نعرش عن رغبة ذاتية و إلا بـ "تشجيع" و إلا بأوامر من شخص أو مجموعة أو مؤتمرٍ ما !!!) و تحديدا للبلوغوسفير التونسية ... لذا ننصحك يا خويا باش تقبل قوانين اللعبة و تناقش و تجاوب و ترد و تقبل النقد و تعبر عن موقفك وكان لزم حتى تتنرفز و ترفض و تندد ... و الكلو في إطار الديمقرطية و حرية التعبير و الإحترام المتبادل ... ننصحك زادة باش تكتب بطريقة معقولة و أكثر شخصية مالي تحط فيه توة (مش 20 تدوينة فالنهار ... أنا شخصيا ما يهمنيش مضمونها ولا القصّ و لصّق الي فيها ... أما شكليا تفقدك كل المصدقية ... 20 تدوينة فالنهار يا بو قلب ما يعملهاش حتى غرنديزر !!!!!!!!!) راهو الـ "تن ـ بلوغ" ولات عندها عادات و تقاليد ( نأكد على عادات و تقاليد مش قوانين !!!!) المدونين الكل ستانسو عليهم ... ما تنجمش أنت تجي توة تحب تنتمي للمجموعة من غير ما تعمل بعاداتها و تقاليدها...
ه
او نهار 25 ديسمبر عندنا يوم التدوينة البيضاء من أجل حرية التعبير ... آش قولك ؟؟؟ تره ورينا حسن نيتك ... ومرحبا بيك كان تجي معانا ... و هاو الجمعة هذي عندنا أسبوع التضامن مع الحوض الممنجمي أعطينا شنوه رايك في الموضوع ...ماك قتلي تنمية شاملة وكذا ... أحكيلنا عالتنمية مثلا غادي ...
هي ربي معاك و سايس روحك يا خويا

mardi 4 novembre 2008

يا صنصارة يا دونيين ... سيبو جد بو المدونين


خلقت طليقا كطيف النسيم وحرا كنور الضحي في سماه
تغرد كالطير اين اندفعت وتشدوا بما شاء وحي الاله
و تـمـرح بين ورودالصباح و تـنـعـم بـالنور انى تراه
وتمشي كما شئت بين المروج وتـقطف ورد الربي في رباه
كذا صاغك الله يابن الوجود والقتك في الكون هذه الحياه
فمالك ترضي بذل القيود وتحني لمن كبلوك الجباه
وتسكت في النفس صوت الحياة الـقـوي اذا ما تغنّى صداه
وتـطـبـق أجـفانك النيرات عن الفجر والفجر عذبٌ ضياه
وتقنع بالعيش بين الكهوف فاين النشيد واين الاباه
أتخشي نشيد السماء الجميل أترهب نور الضحي في سماه
إلا انهض وسر في سبيل الحياه فمن نام لم تنتظره الحياه
ولاتخشي مما وراء القناع فما ثم إلا الضحي في صباه
والا ربـيـع الـوجود الغرير يـطـرز بـالورد ضافي رداه
وإلا أريـج الـزهور الصباح ورقـص الاشـعـة بين المياه
والا حمام المروج الانيق يغرد مندفعا في غناه
الي النور فالنور عذاب جميل الي النور فالنور ظل الاله

أبو القاسم الشابي

lundi 3 novembre 2008

حانوت الصفاء ... طحين بالخلاء

كنت تعرضت في تدوينة قديمة ( هنا ) لضاهرة الفرينة هذي , و قلت وقتها معاش باش انجم نشوف طحين بالجودة هذيكا , من كثر ما أبهرتني ضربة البندير البطايحي الي يضرب فيها هاك السيد متاع " القولف 7 " ... لكن ضهرت غالط في حسباتي جملة ... و ضهر الي الإبداع التونسي في عالم الفرينة و القفة و البندير لا حدود له.

السيد مولا الحانوت هذي حاجة من ثنين :

. يا إمّا يـبــيـع فالغبرة وإلا السلاح و إلا قاتل روح وإلا ما فهمتش آش عامل من خايب في حياتو باش تلز يكتب هاك الخرية حاشاكم.

. يا إمّا السيد هذا مقعار ياسر ووصل ل نيفو متاع تمقعير مزال ما وصلو حد.

على خاطر صعيب ياسر باش نصدق أنو إنسان ( وإلا حتى حيوان !!! ) هكة من طوع إرادتو لا طاح لا دزوه يقوم يكتب هكاكة على حنوتو للاه في سبيل الله ... ( و حتى كان جات جملة و تركيب صحيح !!!)
زعمة يكونش السيد هذا في إطار حملة 4 نوفمبر قرّر باش يعبر بكل حرية ... وإلا يكونشي شسمو هو بيدو مولاها !!!!!!!!!!!!!!! ... يا ناس فهموني راني والله لعضيم تجوجمت ... فماشي شكون ينجم يفسرلي ؟؟؟؟؟؟؟؟؟؟

تلفزة بالملوان تـنصحكم باش تحطو كاس ماء بجنبكم قبل ما تشوفو التصويرة ,خاطر أنا والله لعبت عليّا الدوخة كي شفت هاك البلاكة
!!!






أنزل عالتصويرة باش تكبرها وتتبلغم كيفما تبلغمت أنا

lundi 27 octobre 2008

إلى المدونين المضربين عن العمل

توه مدة وأنا نعاني من عقم تدويني فادح٬ تلمت عليّا خدمة و مشاغل عائلية و خاصة بخل تدويني (الله لا تربحو!!!)، الحكاية هذي بدات فالصيف مبين سهرية و بحر و خدمة و عروسات و مرواح للبلاد, معادش تلقا الوقت حتى باش تحل الأرديناتور ... يكمل يخلط عليه رمضان و كل ما يتبعو من بخل و إنحلال فالنهار و سهريات فاليل ... لين الواحد ستانس بهاك التركريكة متاع المؤسسات الديمقراطية (كيما يقول توفيق الجبالي) ومعادش لاهي بالتدوين خلاص, ووفا رمضان والعقم التدويني ما حبش يوفا لين وليت نحس في روحي مقصّر ما نعرش في حق شكون, أما حاشم على روحي و أكهو ... نقول الناس الكل قاعدة تكتب و تعبروتنقد وتمدح و تندد وتتتتت ... وأنا نحس في إديا مكبّلة و مخي ناشف كي الصحراء الكبرى ... نسخايل روحي وحدي في هالمحنة ...


علاش مش نهار السبت الي تعدى نتفاهم أنا و الفري رايس (الي هو زادا يعاني تقريبا من نفس المشكلة) نهبطوا لتونس باش نحضرو للإفتتاح متاع "أيام قرطاج السنمائية" , وبالطبيعة حضرنا !!! هههههههههه ... (خليني ساكت خير ... هاك الحيط متاع برلين و التعزيزات الأمنية الي عملوهم كيلوماتر على المسرح البلدي يلزمهم مدونة وحدهم !!!!!) ... حسيلو قعدنا في قهوة مش بعيدا عالتياتر نشوفو بعينا و نموتو بقلبنا كيف الدخول للمسرح ولا كيما الدخول للجنة... و رُبَ صدفة خير من ألف ميعاد نتقابلو مع مسيو و مدام "قصة أونلاين" وعدينا سهرية نتصورها خير ببرشا من لوكان دخلنا للإفتتاح ... الحسيلو فتكم بالحديث ... من بين ما حكينا جبدنا على هذي حكاية العقم التدويني الي نعانيو منها و أكتشفت الي مش كان أنا نعاني من هالمشكل وجينا نحسبو نلقاو الي برشا مدونين عندهم مدة طويلة غايبين عالساحة البلوغسفيرية (بدرجات متفاوتة) وخرجنا بإستنتاج الي ممكن ياسر متفاهمين على إضراب جماعي شكون يعرف !! هيا سيدي هي شدو عندكم ... وهم الأتي ذكرهم :


كيبيتز: هذاكا نسيت وقتاه آخر مرة كتب فيها

أكسكيزا : أحرف مني !! :)

برباش: من رمضان وروعة "حومة البلوغسفير" ما ريناهش, و على حد قولوا هو طارتلوا النفحة من جرت عباد ما تحشمش على رواحها

قصة أون لاين: لاهي في مشاكل كتابو و يدهن فالحانوت

وليد بن عمران : جاب ربي تونس لعبت معا فرانسا بش عمل طلة

القوفرنور متاع نورمالاند : كي هلال العيد !! هور سرفيس هالمدة الكل

أستوسا : فرد ريتم هيا والكيبيتز ... عمل فيها الفايس بوك

نوسترا : يضهر مرة في تبت يدا

أزواو : مالقلائل الي قعدو يكتبو , يكملو يبيراتيولو المدونة !! (الله يهلك من كان سبب)

جاكوب : قليل ياسر

نوفراج : بدرجة أقل ... أمّا توحشنا كتيبتها

الشنفرة : أنقرض بالحق كيفما الشنفرة, يعمل طلة بعد قداه كيف هلال العيد

مريومة من باريس : تكتب لكن مرت بفترة فراغ تدويني بريتم طايح

طارق : بخلاف مقلاتو متاع جريدة العرب ... عندنا مدة ما قرينالوش حويجة فالصميم

الدوعاجي : بدرجة أقل أمّا الريتم طايح موش كي العادة , يمكن البرد غادي عامل فيه !! هههههه (مش صحيح الدوعاجي قاعد يكتب أما جوست حبيت نجبد معاه الشبوك ههههههههههه)

البيق تراب بوي : غايب عندو مديدة

كلندستينو: والله وليت شاكك الي هو حرق بالحق !!!ه

براستوس: دراوين غبر!!!

حسيلو ... والقائمة تطول و تطول ...

ايه عاد قلنا علاش ما نلموش رواحنا هالمدونين "المضربين عن العمل" و نعملو جلست عمل على دائرة مستديرة اناقشو فيها تردي الوضع التدويني متاعنا ... هيا مالا كل حد يقترح وين باش نعقدوها هالقمة (نعقدو دينمها 60 عقدة كي متاع النشرة الجوية !!) و يقترح تاريخ زادا ... فماشي ما نعلقو هالإضراب متاعنا.

PS :راهوا الدعوة مفتوحة للأصحاب الكل الي يهمهم الموضوع والي قعدين على الأقل شادين شوية ريتم متاع كتيبة كيمة أختنا عرب و خالتي هناني (يعطيهم الصحة) ...

هيا نستنا إقترحاتكم فالتعاليق

mercredi 2 juillet 2008

Avenue de la liberté ... Recherche introuvable sur le GPS "BenBen"

Aprés le GPS TomTom ...


























Voici le GPS BenBen


تونس الغد ... مغلق للأشغال

ندوّن و ندوان من أجل حرية التعبير


الله لا يحرم مومن من حرية التعبير ... والله يبعد علينا أصحاب المقصات من عمّار الـ "كات سون كات" والمشتقات ... الله يبعد علينا الي يحسابو رواحهم وصايا عالشعب و فكر الشعب و حرية الشعب ما نقولو كان باش نمدحو و ما نفكروا كان باش نبندرو ... الله يبعد علينا المتعصبين و المتعصبات للفكر و الكلمات ... الله يهلك من يحاول يقطع فكرة حرة و كلمة حرة كيما هالكلمات : ه

كلمات - حمادي لعجيمي -

boomp3.com

dimanche 8 juin 2008

تدوينة حمراء كالدم ... لإخراج أهلنا فالحوض من الهم



كـفانا دم ... كـفانا قمع ... كـفانا إستهانة بأرواح مواطنينا
حتى لا يكون هذا مجرد شعار ... إليكم يا أهالينا في الحوض المنجمي أهدي أغنية
"ضحايا الداموس" لـ "أولاد المناجم" ه

boomp3.com

dimanche 1 juin 2008

lundi 26 mai 2008

Presse tunisienne : deux poids, deux mesures

Un jeune tunisien de 26 ans, électrocuté la semaine dernière à Redayef (Gouvernorat de Gafsa, Tunisie), est mort sur-le-champ des suites de ses blessures.


Plusieurs Tunisiens ont filmé la scène et affirme avoir vu le jeune tunisien délibériment électrocuté lorsqu'il se trouvait à l'intérieur d'une centrale électrique.


Personne ne sait si les autorités judiciaires tunisiennes ont été informées. En attendant un éclairage quelconque sur l'affaire, il n'y a que des rumeurs qui circulent. Personne ne sait si le père de la victime a été ou pas contacté afin que toute la lumière soit faite sur les circonstances de ce drame.


Toutefois, en tant que Tunisiens, mais aussi en tant que citoyens de notre village planétaire, nous avons le droit et le devoir de nous interroger sur le silence de certains journalistes, pour ne pas dire de tout le monde sur cet accident.


Que font, en effet, ces journalistes et ces «illustres» stars de la communication pour dénoncer les crimes, les bavures et toutes les injustices infligées aux citoyens ?

Pourquoi nos médias montrent-ils du doigt la moindre petite chose dès qu'il s'agit d'un drame survenu dans un autre pays et passent-ils sous silence tous les dépassements, bavures et crimes dès qu'il est question d'une responsabilité hypothétique d'un agent de l'Etat ?

Pourquoi ces journalistes se déplacent-ils très vite quand ils s'agit d'une manifestation en faveur du parti au pouvoir et refusent-ils d'aller à la rencontre de gens révoltés et désespérés ?


Faut-il uniquement s'intéresser aux télégrammes de félicitations à l'occasion d'une telle ou telle fête nationale ? Les droits des citoyens sont-ils occultés et relégués au second plan pour tranquilliser et hypnotiser le citoyen qui a opté pour le pain, la télé et le foot ?

Pourquoi certains de nos journalistes, qui pourtant n'hésitent pas à crier au scandale pour la moindre petite critique envers ceux qui nous gouvernent, refusent-ils de se manifester pour dénoncer les mauvais traitements infligés en notre propre pays à nos concitoyens ? Ont-ils peur que leurs maitres se fâchent et revoient à la baisse leurs faveurs ?


Ceux qui ont opté pour les salons, le confort et les communiqués de presse approuvés par la TAP peuvent-ils réellement représenter des médias libres et indépendants et incarner les préoccupations et les aspirations de leur peuple, le peuple tunisien ? Produits par un puissant réseau de pistonnage et de clientélisme, ces journalistes sont à la merci de leurs maîtres qui leur dictent leurs lois pour imposer leur nouvel ordre aux Tunisiens.


Il est vrai que toutes les vérités ne sont pas toujours bonnes à dire. Toutefois, sans pour autant vouloir donner des leçons aux uns et aux autres, le journalisme libre et indépendant et la liberté d'expression sont une cause noble et précieuse pour le peuple tout entier, les utiliser pour tenter d'hypnotiser le peuple, notamment ses militants et ses élites, qui déploient d'énormes efforts pour moderniser leurs sociétés, est le moins que l'on puisse dire peu digne de la part de ceux qui prétendent défendre la noble cause de la liberté d'expression et la liberté de la presse.


La dépolitisation totale de notre espace médiatique par certains journalistes qui usent et abusent de la langue de bois, tout comme les méthodes employées par certains partis politiques lesquelles s'appuyant sur des campagnes d'allégence pour marquer leur obéissance maladive aux symboles du pouvoir, constituent une insulte grave à la noble cause de la démocratie et des libertés qui ne peuvent être décidés et réalisés que par le peuple tout entier, avec tous les hommes et toutes les femmes et au profit de tous les Tunisiens.


La destinée de notre pays est la somme de tous les engagements politiques, de toutes les convictions et de toutes les énergies.



publiez- le dans vos blogs svp

source/ blog Mani l'Africain

jeudi 15 mai 2008

في ذكــرى الــنــكـبـة الــســتــيــن

boomp3.com

يا فلسطينية

و البندقاني رماكو

بالصهيونية

تقتل حمامكو في حماكو

يا فلسطينية

و أنا بدي اسافر حداكو

ناري في إديّـــا

و إديّـــا تنزل معاكو

على راس الحية

و تموت شريعة هولاكو

يا فلسطينية و الغربة طالت

كفاية

و الصحرا أنت م الاجئين

و الضحايا

و الأرض حنت

للفلاحين و السقاية

و الثورة غاية

و النصر أول خطاكو

يا فلسطينية

و الثورة هي الأكيدة

بالبندقية

نفرض حياتنا الجديدة

و السكة

مهما طالت

و باتت بعيدة

مد الخطاوي

هو اللي يسعف معاكو

يا فلسطينية

"فـتـنـام" عليكو البشارة

بالنصرة طالعة

من تحت ميت ألف غارة

والشمعة والعة

و الأمريكان بالخسارة

راجعين حيارى

عقبال حداكو

أحمد فؤاد نجم (1969)

مبادرة الشرق الأوسط الخطير

Middle East Partnership Initiative (MEPI)

إذا نصحك بوش, شطر النصيحة ليه...

قالك من أهداف هذه المبادرة تـصليح الأخطاء الجغرافية الـمـوجودة في خريطة الـعالم (
خوذ العلم من روس الفكارن) :ه


"- Citoyenneté-Démocratie-Politique-Liberté des Media"
يا اللي متعدي على زرع الناس حط زرعك في الثنية

"- Education à la vie participative et associative"
الإفريقي عشرة ملاين حبينــــــــــــــــــــــــــــــاها

"- Renforcement du role de la femme dans la société"
لشكون تحرقصي يا مرت لأعمى

"- Promotion de l'initiative économique privée"
ما خص المشنوق كان ماكلة الحلوة

jeudi 8 mai 2008

محضر تــحــقــيـق في هاك الحـــكــايـــة الــــشــنـــوازيـــة ... بالبلادة التـــونــســيــة

الــجمهورية الـبـلوغـوسـفـرية الديما...ديما...قراطية
وزارة الـتـنـطـيـق بالسيف
الفرقة المركزية الأولى للأبحاث والتــنـسـنـيس

نحن البحّــاث الـنسـناس الأوّل " فلان الفولاني " رئيس مدير مركز " التـنـطـيـق بالـتـمـجـليق و التعـذيب بالـتـبوريـب ", حضر لدينا اليوم 07 ماي 2008 و على الساعة 13:45 المتهم في قضية الحال المدعو "بالملوان", وبعد إستنطاقه بالطرق السلمية والإنسانية صرّح لنا بما يلي :
حيث أنّه, و حسب أقواله, و بتحريض من , المدعـو " الدوعاجي", و المدعـوة "اللص رقم واحد" , و المدعـوة " أكـسـكـيزا" و بسابق الإصرار و الترصد من المدعو " أزواو"... أقدم المدعـو بالمــلــوان على فعلته المشينة هذه.

س/ج : سي بالملوان كان جيت سُــجــرة آش تكون ؟ : كان جيت شجرة راني "كلتوسا" ... خطرها ما يزيش طويلة و هايجة, زيد إنت تقصّها و هي تعاود تطلع, راسها صحيح و مكبّــشة كي الــفــقــر, وزيدك زيــادة كي تـشـعّـل فيها الـنـار تـلـهـب حتى وكانـهـي خضرا

س/ج : وكان جيت ماكـلـة آش تكـون ؟ : كان جيت ماكلة راني "طـبـيـخـة" ... ديجا إسمها يشـيـخـني, يقـلك فلان كلا طبيخة في طرح الشـكـبـة, و الإكــيـب الفلانية كلات طبيخة فالـكـمـرون, وزيد زادة تعجبني الطبيخة شكلا و مضمونا, منضرها مزيان ومكوناتها هايلين, هي شد عندك هي, فول و فول مصري (على ذكر الفول المصري, ديما نسأل في روحي زعمة في مصر آش يقولولو ؟ فولــنا !!!!) وعدس نوعين و لوبيا شايحة و حمص منفخ و قرع أحمر و ثوم و قديد ... الكلّها حديد في حديد, و بحكم خدمتي فإنّو الحديد حاجة مهمة يااااسر بنسبة ليّا (للعرص و صبّان الصّبة) ... (ملاحضة : الدكتور حكيم ينصحكم باش ما تكلوش الطبيخة وتشربو بعدها الماء طول ... مكانش الحديد اللّي كليتوه الكل يصّدد). ه

س/ج : هاك حتى إنت باش تصدّد (في إيديك المونوت) بحذانا حتى لنهار الأثنين الجاي نشاله هههه ... باهي و كان جيت نوّارة زعمة آش تكون؟ : ما أنجم نكون كان نوّار دفلة فالواد عامل ضلايل ... خاطر ما يعجبني زين الطفلة كان ما نشوف الفعايل

س/ج : و كان جيت قرية و إلاّ دشرة و إلاّ حومة آش تكون ؟ : "سيدي جمور" في جربة (نشاله يطيح فيك !!!!) بلاصة كي نمشيلها ننسا الدنيا و ما فيها ... و زيد عندي فيها برشا ذكرايات ...ه


س/ج : برشا ذكريات آآهه !!! غادي كانت تجتمع الخلية التخريبية متاعكم آآهه !!! باهي واصل واصل ... و كان جيت يا سي الذكريات قصيدة أمّا قصيدة تكون ؟ : "طاطي راسك طاطي طاطي إنت في وطن ديموقراطي" متاع الفجومي أحمد فؤاد نجم ... خاطر بعد ضيافتكم هاذي, الله يكثر من أمثالكم الناس, تأكدت ميا فالميا الي أنا في وطن ديموفراطي والحمد لله

س/ج : زيد تضومر زيد !!! باهي وكان جيت شخصية تاريخية يا سي الديمو آش تكون ؟ : راني الحجّاج إبن يوسف الّي قال" يا أهل العراق, يا أهل الشقاق و النفاق, إني أرى رؤوسا قد أينعت و قد حان وقت قطافها ... فو الله إنّي لا قاطفها" ... و أنا نقول في نفس السياق " يا معشر التونسيين, يا معشر القفة و البندير والطحين, إنّي أرى فيكم السارق والمرتشي و القفاف والزنديق البو وجهين, فو الله إنّي لا فاضحكم, قاطع اللّسان مكسّر السنين

س/ج : و كان جيت شخصية خرافية ؟ : راني " موضف في إتصالات تونس يخدم بضمير" ه

س/ج : و كان جيت شخصية قصصية آش تكون ؟ : كان جيت في قصّة راني واحد من ثنين يا إمّا
Papillon
بابيون متاع الكاتب الفرنسي "هنري كاريار", نحب الحرية و نعمل المستحيل لتحقيقها و كان لزم نموت من أجلها
يا إمّا
"هومار سيمسون" متاع "لي سيمسون" باعث الدنيا و ما فيهاااا


س/ج : صحيت يا مـتـثـقـف !!! إملا قــلــّي كان جيت حيوان راك فرططو كيما هالي تحكي عليه ؟ : لا لا !!! كان جيت حيوان راني بدون أدنى شك "كلب عربي" فــالــنــبــيــح نقلك هاني هنا الفم ديما حارك ... أمّا الفعل يجيبو ربي

س/ج : آآآههه هذي جبت فيها ... و كان جيت صياغة آش تكون ؟ : ما خيرش مال "مونوت" كي تبدى ملبوسة في زوز يدين

س/ج : هذاكا علاش باش نخليوهالك حتى أحنا ... و كان جيت لباس آش تكون ؟ : "كبــوت" ... كلمة معــبـرة يـــــاسـر و عندها برشة معاني ... يقلك كـبـوت ترافل في طرح البولوط ... ويـقـلـك ستعملت كبوت أنـقـلـيـز في هاك القضية مـفـوح بـالـفـراز ... و فلان طاح عليه كبوت الكرهبة فسّدلو وجهو ... و يقلك هذاكا شـسـمو كلا كبوط في بابـور البانان الّي جابــو ... إلخ

س/ج : هاو هذاكا شسمو باش يشيخك بهاك القضية ... باهـــــــي, و كان جيت ريحة آش تكون ؟ : تـعـجـبـني ياسر ريحة الفرمونتاسيون متاع الشعير الّي تبدا خارجة تفوح من معمل البيرة في باب سعدون, كي كنت نقرا غادي ياااا حسرة

س/ج : إمالا شقولك كان نقعــــ...آآآآآهههه...نضيفوك على كعبة بيرة !!!! وكان جيت موقع آش تكون ؟ : تركينة رايضة في جيور إنفرادي في سجن "رجيم معتوق" ياااا ناعــما (الله لا يوريه لحبيب)

س/ج : هيا تعرفشي كيفاه يا رْمز ... بالحرام لو كان ما تصبلناش الصبة بستة (على الأقل) من جماعتك في هالمخطط الجهنمي متاعكم, باش نجيبو نضيفوهم هوما زادا بحذانا ... إلاما نـبـعـثوك تتضيف فيه "رجيم معتوق" و غادي تشيخ بالبيرة مالبلايص الكل بلاش كبوت أنقليز وإنت لابس هاك الصياغة الي تحب عليها, الكلاب العربي و السوري الكل دايرين بيك و كانك راجل أعــمل كيفو "بـابـيون" متاعك و حاول تهرب منّو الحبس ؟ : يا سيدي باش نصب ب :
-
حاكم النرمال لاند : هذاكا السبب فالإنقلاب الي صار في موريتانيا, والأوضاع في درفور, إرتفاع أسعار المحروقات
-أستوسا : تنضم في إجتماعات غير مرخص فيها
-الشنفرة : يعمل في نشاطات مشبوهة خارج الوطن تضر بـعـلـقاتـنا مع الدول الـشـقـيقة والصديقة
-نوفراج : تروّج في مناشير فنية
-كـيـبـيـتـز : يستعمل في مصورة في أماكن يمنع فيها التصوير بتاتا
-دليدا: تعمل في برشا بناء فوضوي

زيد صححـلي تحت الجملة هذي : " أشهد على صحة أقوالي هذه, التي أدليت بها في كنف الحرية و بدون أي ضـغـوط أو إجبار, و أني طوال هذا التحقيق لم أتـعـرض لأي إهانة أو سوء مـعـاملة" ه


المضـنـون فيه
بالـــمـــلــوان

dimanche 6 avril 2008

بطاقــــة إنخراط لشباب محتاط 2



بوصفي شاب محتاط , يؤمن بالمعجزات, و بدعوة من الزميل "فري راس", نعلن على بركة الله إنخراطنا الواعي و المسؤول في مبادرة الحوار مع الشباب المحتاط . إيمانا منا بدورها الفاعل في إثراء النقاش حول حاضر تونس و مستقبلها

تـُـــأمــّــــن تلفزة بالملوان تغطية إعلامية حية و مباشرة لفعاليات هذه المبادرة في كنف الشفافية و الإستقلالية و النزاهة.

نذكر المقص بأن أي تدخل في الشؤون الداخلية لحوارنا البنــّـــاء, يـــُــــــعد تعديا سافرا و تحديا صارخا لتوجهات سياسية تدعو للحوار و لو بتحفظ.

و بدوري أدعو كافة المدونين للإنخراط بعزم بنديري صادق .. وو ضع شعار هذه الحملة في ركن قار على المدونة.

يسألونك عن الطحين ... قل نحن لمن المبدعين


ساعات الواحد يشوف إبداع طحيني تبنديري !!! هاك الّي حتى فالحضرة ما ينجموش يبندروه ... تبندير كي يسمعو الواحد تلعب عليه الدوخة و يجيه الغثيان و خواطرو اتدور ... هاك الّي من نوع "عمّال الشانطي الفلاني مع شسمو من أجل الديمقراطية و صبان الدالة (و في حديث آخر صبّان الصّبة)" ولا هاكي متاع "كركر مع شسمو من أجل تونس الغد" حسيلو شبعة شعارات و شبعة عبارات متاع فخر و نخوة (قدّاه تعيفني كلمة نخوة هذي ... اااخخخخ !!!! تذكرني في حاجة مش لازم نقلكم عليها) وإعتزاز وإمتنان ووفاء دائم وخيارنا الوحيد... إلخ ... إلخ

هال "فرينة" هذي (ولاّ بالعربية هال "طحين" هذا) تلقاوه جينيرالمون في شكل شليقة بيضا مكتوب عليها بالأحمر و"البنفسجي" ولاّ كي تبدا ضربة البندير أقوى تلقاها مكتوبة عالحيط طول ولاّ في أقصى الحالات و كي يبدى السيد "صاحب الطحونة" مهف و في سراه تلقاوها وقتها معاها تصويرتين ولاّ ثلاثة متاع تعرفو شكون و شوية "أريار بلون" (خلفية) متاع جبال و مراعي خضراء تترعرع فيها الأزهار و تغدو فيها الحياة ... و مطبوعة على قطعة بلاستيك كبيييرة قد الماهي, ثلاثة ولاّ أربعة برجكتارات يضويو فيها 24/24 كبااار هوما زادا, ينجمو يحققو الإكتفاء الذتي متاع التنوير العمومي في موريتانيا (في وقت الّي مشيحنلنا ريقنا بلوغة الإقتصاد فالطاقة و هذا موضوع آخر يطول شرحه)

هال الإبداعات هذي تلقاوها في أغلب الأحيان معلقة فوق شعبة...فوق إدارة عممومية...فوق شركة (تحب تكبّر بنيتها بلاش رخصة) في أقصى الحالات ........
أمّا المرة هذي الضربةجات قوية ياسر لين قعرت (بثلاثة نقاط فوق ال ق) البندير ... يوصل الواحد للدرجة هذي مالدناءة والطحينيزم !!!!!!!! حاجة عمري ما كنت نتصورها ... يوصل شخص عادي لاهو شعبة لاهو إدارة عمومية لاهو بانكة لاهو شركة خاصة (إتطرد فالخدامة تعسفا ولاّ هاربة مالفيسك) يبدع بالطريقة هذي في عزف منفرد من ضبط الإقاع و على سيارتو الخاصة زادا والله حتى بالتفدليك ما كنتش تخطرلي على بالي ... أنا ما نخبيش عليكم كي ريتها, إنتابني في نفس الوقت شعور بالعار والخزي والغش والردان وكل شيئ مع بعضو و تمنيت في لحظتها نعمل كوردا ولاّ تتشق الأرض و تبلعني أرحم ملّي نشوف حاجات كيما هكة ... حاسيلو أنا معاش أنجم نعلق أكثر من هكة و هاو خذيتلكم التصاور و أنتوما أحكمو وحدكم ...

السيد هذا إخترعلكم ال"قولف 7" الجديدة


أنزل عالتصويرة كان تحب تكبرها و تزيد تتبلغم


و كاتب أسمو زادا والله زايد "إذا لم تستحي فإفعل ما شئت" ه


أنزل عالتصويرة كان تحب تكبرها و تزيد تتبلغم

mardi 1 avril 2008

أم كلثوم Vs الشيخ إمام


عرف الشيخ إمام عيسى و رفيق دربه الشاعر أحمد فؤاد نجم بكرههما ل "الضاهرة" أم كلثوم وذلك قد ضهر من خلال العديد من الأغاني والأشعار حيث لا يفوتان الفرصة للسخرية من هذه الضاهرة لعلاقتها بالحكومة المصرية في تلك الفترة و بجمال عبد الناصر خاصة ... و نلاحظ ذلك مثلا في أغنية " أنا الأديب ولا تعرفنيش" في مقطع : ه

الشيخ إمام قال كلمة حقّ بسّ الحكومة قلتلو لاء
الشيخ إمام قال كلمة حق الست سومة قالتلو لاء
وأبو النجوم على وذنو نزق فالمعتقل والدنيا نهار

video

وقد وصلا إلى حد كتابة أغاني بأكملها لسخرية من "كوكب الشرق" واللتي كانت علاقتها بالحكومة أنذاك محلّ كل الشبهات, حيث كان يغض عنها الطرف وتقع تبرئتها من عديد الإتهامات والشبهات التي تحوم حولها في عديد القضايا والمناسبات كأصابع الإتهام التي وجهت إليها إثر وفات الفنانة "إسمهان", أو كقضية كلبها الذي هاجم مواطنن و عضّه فصار فالتحقيق المواطن هو المطلوب, هذه القصة التي حوّلاها إمام و نجم إلى أغنية " كلب السّت " هذه كلماتها

في الزمالك من سنين

و في حمى النيل القديم

قصر من عصر اليمين

ملك واحدة من الحريم


صيتها أكثر مالأذان

يسمعوه المسلمين

و التتر و التركمان

و الهنود و المنبودين


ست فاقت ع الرجال

في المقام و الاحترام

صيت و شهرة و تل مال

يعني في غاية التمام


قصرها يعني هي كلمة

ليها كلمة فالحكومة

بس ربك لجل حكمة

قام حرمها م الأمومة


و الأمومة طبع ثابت

جوه حواء من زمان

تعمل ايه الست جابت

فوكس رومي و له وذان


فوكس دا عقبال إملتك

عنده دستية خدامين

يعني مش موجود في عيلتك

شخص زيه يا اسماعين


و اسماعين دا يبقى واحد

م الجماعة الغلبانين

اللي داخو ف المعاهد

و المدارس من سنين


حب يعمل واد فكاكه

و يمشي حبه ف الزمالك

و القيامة و الفتاكة

يرموا طبعا ع المهالك


غم سمعه من قيامته

حب يعمل فيها فله

بعد ما ألوط بيجامته

اشترى حتة مجله


قول مش بيقرا في حكاية

من حكايات الغرام

و اندماجه في القرايه

خلا مشيه مش تمام


ع اليمين يحدف بعيد

خطوتين و تروح شمال

لمحه فوكس من الحديد

قال دا صيد سهل و حلال


هب نط في كرشه دوغري

جاب بيجامته لحد ذيلها

اسماعين بدال ما يجري

قال يا رجلي رجلي مالها


بص شاف الدم سايح

من عاليها و من واطيها

و ياللي جاري و ياللي رايح

المجلة مش لاقيها


حبه و تلمو الظنايا

اللي هما البوابين

و الحكايه و الروايه

قال لهم دا كلب مين ؟


كلب مين

ما كلب مينشي

سمعه لبخ حبتين

قال له واحد فيهم امشي

اللي جابك انده مين

قال دا شارع يا مواشي

للجميع راكب و ماشي


كلمة من دا و كلمة من دا

ظاطو و انقلبت فضيحة

قول نهايته و القصد من دا

اسماعين شرب الطريحة


راحو اسم الشرطة جمعا

و النيابة كفيلة بيهم

و اترموا في الحجر طبعا

لما ييجي الدور عليهم


شاف بلاوي ما تنحكيش

م الهفايا المحبوسين

قال يا عالم يا شاويش

يا نيابة .. يا مسؤلين


خلصوه بعد المناهدة

جثه من جحر الذيابه

هي يمكن ساعة واحدة

كان في مكتب النيابة


قال له ـ مالك يا اسماعين

قال له ـ زي البمب مالي

قال له ـ عضك فوكس فين

قال له ـ سيبني أروح لحالي


انت شوف سي فوكس يمكن

خد تسمم غصب عني

الوكيل قال برضه ممكن

و الشاويش قعد يغني


هييص يا كلب الست هيص

لك مقامك في البوليس

بكرة تتولف وزارة

للكلاب ياخدوك رئيس


انت توى في النيابة

تسعمية من الغلابة

طب يا ريت يا فوكس كنا

و لا تربطنا الجرابة


انت فين و الكلب فين

انت كده يا اسماعين

طب دا كلب الست يا ابني

و انت تطلع ابن مين


بشرى لصاحب الذيول

ولــللي له أربع رجول

بشرى لسيادنا البهايم

من جمايس أوعجول


اللي صاحبه يا جماعة

له أغاني ف الاذاعة

راح يدوس فوق الغلابة

و النيابة بالتباعة


هيص يا كلب الست هيص

هيص يا كلب الست هيص

video


وقد سؤل أحمد فؤاد نجم عن علاقته (هو والشيخ إمام) بأم كلثوم فأجاب : " لعلمك أنا من عشاق أم كلثوم ... أم كلثوم بالنسبة لي هي قمة المغنى ... لكن بعد ان سقط كل شيء في نظري .. سأقول لك شيئاً نحن عندنا في وطننا العربي السعيد .. الفنان يلقطوه من الشارع .. ودائماً الطبقة التي تحكم ليس لديها مواهب .. فأي موهبة من الشارع يأخذونها ويلمعونها وتصبح (بتاعة) السلطة ومع مرور الأيام تصبح هي نفسها سلطة مثلما حدث مع أم كلثوم وعبد الوهاب.. أم كلثوم كانت سلطة رهيبة...كانت تأمر فتطاع ...هي كانت الشخصية الثانية بعد عبد الناصر. (18 سنة) هي الشخصية الثانية في مصر وبعدين واقعة الكلب بتاعها دي .. كان لازم انحاز للمعتدى عليه … وقد غضبت غضباً شديداً ، وهددت وتوعّدت وأرغت وأزبدت لكن كان السهم نفذ .. وإعلام عبد الناصر بدأ يدلّس ويدجّل على لسان الولد ويقول أنا سعيد أن عضّني كلب أم كلثوم … وبعد ذلك يأتون بوكيل نيابة يحفظ التحقيق بحيثيات ( حيث إن الخدمات التي أدّتها السيدة أم كلثوم للدولة كفيلة بأن تعفيها وكلبها من المسؤولية .. أمرنا بحفظ التحقيق )...لا يوجد شاعر يكتب بأي لهجة من اللهجات العربية لايتمنى أن تتغنى له أم كلثوم .بعد النكسة .. مشت أشعاري بشكل صاروخي .. هي أرسلت لي كي تغني لي ، لكنني استنقصتها .. تغني لي ليه .. قالت اكتب لي عشر نصوص ، قلت لها أنا لا أعمل بهذه الطريقة .. أنت تسمعين وتختارين ما يعجبك بشرط أن يوافق الشيخ إمام اعتبرت هذه إهانة وطردتني من بيتها هي تعوّدت أن يسجد لها الآخرون ، ويبوسون أيديها ورجليها .. إزاي المبدع يفعل هذا". ه

ذكّرني هذا بما فعلته "أم كلثوم" إثر الحفل الذي أحيته في تونس ... حيث إشترت بمداخيل الحفل إسمنت (ما نعرش شراتو ولاّ عطاوهولها ولاّ خلصت بيه ... الّي نعرفو هو أنها فرّغت البلاد مالسيمان) وأهدته للحكومة المصرية (في شخص جمال عبد الناصر) لبناء السّد العالي...(كأنها الحكومة المصرية وقتها محتاجة فلوس ... وهوما حطّو آلاف المليارات باش يشريو بيه السلاح ويستعرضو عضلاتهملين جاهم الكف متاع النكسة) ه

وعلى الرغم من هذا الكره لضاهرة "أم كلثوم" و ما حام حولها من شبهات في ولائها للحكومة أنذاك, فإنّ الشيخ إمام كان يؤمن بالقيمة الفنية ل"كوكب الشرق" ويتبين ذلك من خلال أدائه لبعض أغانيها كأغنية "هو صحيح الهوى غلاّب" والتي أبدع في إلقائها

boomp3.com