ساعات الواحد يشوف إبداع طحيني تبنديري !!! هاك الّي حتى فالحضرة ما ينجموش يبندروه ... تبندير كي يسمعو الواحد تلعب عليه الدوخة و يجيه الغثيان و خواطرو اتدور ... هاك الّي من نوع "عمّال الشانطي الفلاني مع شسمو من أجل الديمقراطية و صبان الدالة (و في حديث آخر صبّان الصّبة)" ولا هاكي متاع "كركر مع شسمو من أجل تونس الغد" حسيلو شبعة شعارات و شبعة عبارات متاع فخر و نخوة (قدّاه تعيفني كلمة نخوة هذي ... اااخخخخ !!!! تذكرني في حاجة مش لازم نقلكم عليها) وإعتزاز وإمتنان ووفاء دائم وخيارنا الوحيد... إلخ ... إلخ
هال "فرينة" هذي (ولاّ بالعربية هال "طحين" هذا) تلقاوه جينيرالمون في شكل شليقة بيضا مكتوب عليها بالأحمر و"البنفسجي" ولاّ كي تبدا ضربة البندير أقوى تلقاها مكتوبة عالحيط طول ولاّ في أقصى الحالات و كي يبدى السيد "صاحب الطحونة" مهف و في سراه تلقاوها وقتها معاها تصويرتين ولاّ ثلاثة متاع تعرفو شكون و شوية "أريار بلون" (خلفية) متاع جبال و مراعي خضراء تترعرع فيها الأزهار و تغدو فيها الحياة ... و مطبوعة على قطعة بلاستيك كبيييرة قد الماهي, ثلاثة ولاّ أربعة برجكتارات يضويو فيها 24/24 كبااار هوما زادا, ينجمو يحققو الإكتفاء الذتي متاع التنوير العمومي في موريتانيا (في وقت الّي مشيحنلنا ريقنا بلوغة الإقتصاد فالطاقة و هذا موضوع آخر يطول شرحه)
هال الإبداعات هذي تلقاوها في أغلب الأحيان معلقة فوق شعبة...فوق إدارة عممومية...فوق شركة (تحب تكبّر بنيتها بلاش رخصة) في أقصى الحالات ........
أمّا المرة هذي الضربةجات قوية ياسر لين قعرت (بثلاثة نقاط فوق ال ق) البندير ... يوصل الواحد للدرجة هذي مالدناءة والطحينيزم !!!!!!!! حاجة عمري ما كنت نتصورها ... يوصل شخص عادي لاهو شعبة لاهو إدارة عمومية لاهو بانكة لاهو شركة خاصة (إتطرد فالخدامة تعسفا ولاّ هاربة مالفيسك) يبدع بالطريقة هذي في عزف منفرد من ضبط الإقاع و على سيارتو الخاصة زادا والله حتى بالتفدليك ما كنتش تخطرلي على بالي ... أنا ما نخبيش عليكم كي ريتها, إنتابني في نفس الوقت شعور بالعار والخزي والغش والردان وكل شيئ مع بعضو و تمنيت في لحظتها نعمل كوردا ولاّ تتشق الأرض و تبلعني أرحم ملّي نشوف حاجات كيما هكة ... حاسيلو أنا معاش أنجم نعلق أكثر من هكة و هاو خذيتلكم التصاور و أنتوما أحكمو وحدكم ...
السيد هذا إخترعلكم ال"قولف 7" الجديدة
أنزل عالتصويرة كان تحب تكبرها و تزيد تتبلغم
و كاتب أسمو زادا والله زايد "إذا لم تستحي فإفعل ما شئت" ه
أنزل عالتصويرة كان تحب تكبرها و تزيد تتبلغم
أنزل عالتصويرة كان تحب تكبرها و تزيد تتبلغم
هههههههه و إلّا نعمل بكيا خير زعمة.... بالكشي يتمقعر السّيّد؟؟؟..... كانو بالرّسمي أبدع...آآآآآآآآآآآي راسي.... عندو الحق إلّي يشدّ هاك البلاصة ما عادش يسيّبها....المساند الرّسمي هههههههه... باش؟؟؟؟؟ بالفارينة؟؟؟ شعب يجمعه البندير و تفرّقه العصا
RépondreSupprimerbalikchi hachtou ro5sa mta3 9ahwa :D
RépondreSupprimeroumourou mouch wadh7a , c sure yelzemhom ya3mloulou doussi.
RépondreSupprimermanthrou 3amel 3amla , il transporte il dorgue fi karhabtou ou koi ? il veux pas etre arreter pr controle
RépondreSupprimer:)
en tout cas, chay ya3mel il kif
@ eddou3aji:
RépondreSupprimerكلمة "المساند الرسمي" ما تنجم تعبر كان على جهل ضارب أطنابو...هايلة ياسر "شعب يجمعه البندير و تفرقه العصا" ههههههههه
@ Nostra:
هذا ضهرلي فيه يحب على رخصة متاع حنوت تبيع الزطلة جملة وحدة...على خاطر دوزة البندير متاع رخصة القهوة أقل بياسر من هكة و ما تتعاداش مستوى رئيس الشعبة والعمدة و فرقة السُــلامية بالجــهة...هههههههههه
@ ->> AntikoR <<- :
هوما يعملولو دوسي و هو عمل الروحو لــــوســــي (عفانا و عفاكم الله) هههههههههه
@ Hmeyed:
تقريب حاط فيها أسلحة الدمار الشامل باش يوصل لهالدرجة من التلحيس ... هههههه
برجوليّا هذي قالتّلهم اسكتوا! وان لم تستحي فافعل ما شئت!!! اما السيّد هذا ظاهر فيه لحّام كبير متاع زطلة والكرهبة يوصّل بيها في السّلعة اما بالطّبيعة راهو يعطي في بورسنتاج للي شادّين المرشي الكبير والفاهم يفهم! أما المؤسف في الحكاية هو كيفاش ولاّ الولاء هو مفتاح التّجاوزات بكلّ انواعها وزادة ثقافة الانتهازيّة الّلي انتشرت انتشاركبيرخاصّة عند الشباب اللي شريحة كبييييييييييييرة منّوا ولاّت تلقا في البيبان مسكّرة قدّامها في الوقت اللي زيد و الاّ عَمْرْ اللي مشهورين "بالفارينة" متاعهم والاّ قرابتهم من...حالّتلهم كل شيء في وجوههم ومسهّلتلهم باش "يغوروا" على الأخضر واليابس ونسّاتهم في انّوا الّي خلق مايظيّع والزمان لازم باش يطول
RépondreSupprimerCa m'a fait trop rire lférina ama bahamt el7a9 fitsawir... Chnowa hédha?? Hédhi a9wa min article "7ajja wahwa fi makénih" 3ala9al hédhéka rajil mit tha9af 9ari isafsta widam8ja 9raya... Ama hédha mouwatin 3adi chlazou 3almor??? Esma3 l7kéya fiha inna... Mandhonnich 3abd b3a9lou ya3mil haka... Lézem kima ayyamét le référendum akali mta3 na3am aw na3am li ta7wir idostour mahom jabrou les chauffeurs de taxis lkol bech y7ottou kal molsa9at zéda... Lézem haka... Propagande ya weldi... wala lézem lkarhba teb3a "la flotte" de 9asr essa3ada...
RépondreSupprimerRabi y7abiss 3lina l39al...
باش ننخرط حتى أنا في الحملة ههههههههههههه قالو تعرفشي "الدقيق" قالو نزيد فيه هذى هي
RépondreSupprimerhahaha 7lowa hedhi
RépondreSupprimerje crois que tous ceux qui vivent aux usa peuvent confirmer elli presque toutes les voitures portent des stickers du candidat que la personne soutient (obama, hillary...), les gens mettent des pancartes sur les fenetres de leur maison, ou dans leur jardin aussi... sans attendre aucune contrepartie, ils ne font qu'afficher leur orientation politique
c'est marrant de voir la meme chose en tunisie, detournee a d'autres fins, avec le nom du gar en plus :)
Ti chkoun 9alelkom illi howa mouwaten 3adi? , pour moi mahouch mouwaten we mahouch 3adi bilkoll ..karrahni fil farina , battalt , ma3adech 3amla khobz fiddar!!
RépondreSupprimerni9tari7 barnamaj talfazi tounsi animé par Lotfi el ba7ri :
RépondreSupprimert7in académie.
On met quelques chauffeurs de taxi, quelques a3dha2 fi lijan el 7ey et 2 ou 3 membres de talabati ettajammou3.
Le gagnant aura une golf noire mta77na comme dans la photo
Ya 5ouya talfza;
RépondreSupprimerEna je suis rentre en Tunisie pour la premiere fois apres 6 ans pendant la periode de awissou a Sousse et il y avait une photo ou un signe de "i3tiraf bil jamil" chaque 20 metres dans toute la ville... La farine a toute force!!!
هاذي يظهرلي طاحونه متجولة .. على غرار المكتبة المتجولة و الهاتف الجوّال الخ...الخ... ...
RépondreSupprimer:)